اسلام آباد (سب نیوز )ڈی آئی جی آپریشنز سید شہزاد ندیم بخاری کی زیر صدارت اجلاس،ناقص کارکردگی پر تھانہ آبپارہ اور سہالہ کے ایس ایچ اوز نوکری سے برخاست کر دیاگیا۔ کمزور کارکردگی پر 7 تھانہ جات کے ایس ایچ اوز کو معطل کردیا گیا۔
معطل ہونے والوں میں تھانہ مارگلہ، رمنا، سنگجانی، نیلور، کورال،لوہی بھیر اور ہمک شامل۔ ایس ایچ او آئی نائن اور کراچی کمپنی کو اچھی کارکردگی پر انعامات کا اعلان کیا گیا۔باقی تمام ایس ایچ او کو کارکردگی بہتر بنانے کے لئے چار دنوں کا وقت دیا گیا۔اس موقع پر گفتگو کرتے ہوئے ڈی آئی جی آپریشنز نے اس موقع پر گفتگو کرتے ہوئے کہا کہ جس کی کارکردگی بہتر ہوگی وہی ہماری ٹیم کا حصہ رہے گا۔
،تمام نفری تھانے میں موجود رہے گی جس کو کام ہوگا متعلقہ ڈی پی او کی اجازت سے جائے گا۔اشتہاریوں کے خلاف کریک ڈاون تیز کریں۔افسران متعلقہ تھانوں کے ناکہ جات پر کنٹرول مضبوط بنائیں۔کرپشن، غیراخلاقی رویہ ہرگز برداشت نہیں کیا جائے گا۔آئندہ میرٹ پر اور اچھی کارکردگی دکھانے والے ہی ایس ایچ اوز لگ سکیں گے۔
