سعودی کمپنی آرامکو کی پاکستان میں بڑی سرمایہ کاری، معاہدہ طے پا گیا

اسلام آباد(سب نیوز) سعودی کمپنی آرامکو نے پاکستان کے آئل اینڈ گیس سیکٹر میں بھاری سرمایہ کاری کرنے کا فیصلہ کیا ہے، اس حوالے سے حتمی معاہدے پر دستخط بھی ہوگئے۔

جاری کردہ اعلامیہ میں بتایا گیا ہے کہ سعودی کمپنی آرامکو نے گیس اینڈ آئل پاکستان لمیٹڈ (گو) میں 40فیصد حصص حاصل کرنے کے لیے حتمی معاہدوں پردستخط کردیئے ہیں۔اعلامیہ میں بتایا گیا ہے کہ گوایک ڈان اسٹریم فیول، لبریکنٹس اورکنو ینیس اسٹور آپریٹر، پاکستان کی سب سے بڑی ریٹیل اور اسٹوریج کمپنیوں میں سے ایک ہے۔ یہ معاہدہ روایتی شرائط، بشمول قانونی منظوری پرمشروط ہے۔اعلامیہ میں مزید بتایا گیا ہے کہ یہ متوقع سرمایہ کاری آرامکو کا پاکستانی ایندھن کی مارکیٹ میں پہلا مرحلہ ہے۔ معاہدہ کے تحت آرامکو کو اپنی مصنوعات کے لیے مزید آوٹ لیٹس حاصل ہوں گی اور Valvolineبرانڈڈ لبریک ینٹس کو بھی نئے مواقع ملیں گے۔