لاہور:پاکستان تحریک انصاف (پی ٹی آئی) کے وائس چیئرمین شاہ محمود قریشی نے مطالبہ کیا ہیکہ نگران حکومت پاکستان ڈیمو کریٹک موومنٹ (پی ڈی ایم) کی پیدا کردہ تنا کی صورت حال ختم کرے، بطور جذبہ خیرسگالی گرفتار خواتین کی رہائی کااعلان اچھی پیش رفت ہوگی۔
وائس چیئرمین پی ٹی آئی نے نگران وزیراعظم کو مشورہ دیا کہ بہتر یہی ہوگا کہ نگران سیٹ اپ میں ایسے لوگ آئیں جو واقعی غیر جانبدار ہوں، غیرجانبدار لوگ نگران سیٹ اپ میں آئیں تا کہ الیکشن کمیشن کی صحیح معاونت کرسکیں، پیپلز پارٹی اور ن لیگ نے خود وضاحت کردی ہیکہ نگران وزیراعظم ان کی چوائس نہیں تھے۔شاہ محمود قریشی کا کہنا تھا کہ توقع ہیکہ نگران حکومت کے اقدامات سے سیاسی تنا کی صورت حال میں کمی آئیگی۔
ان کا کہنا تھا کہ نگران حکومت کو یقینی بنانا چاہیے کہ سابق وزیراعظم کو قانون کے مطابق سہولیات ملیں، چیئرمین پی ٹی آئی 180 سے زائدکیسز میں جکڑے ہوئے ہیں، وکلا کی رسائی اور مشاورت ضروری ہے، ملک کی سب سے بڑی جماعت کے سربراہ کو قانون کے مطابق سہولیات کیوں نہیں دی جارہیں؟
