حکو مت اور ادارے عوام کو لو ٹنے والے مافیاز کے ہاتھوں یر غمال بنے ہو ئے ہیں،میاں اسلم

سلام آباد،نائب امیر جماعت اسلامی پاکستان وسابق ممبر قومی اسمبلی میاں محمد اسلم نے کہا ہے کہ رمضان المبارک کے بابر کت مہینے میں بھی مافیاز نے آٹا، گھی، چینی اور دیگر اشیاضروریہ کی مصنوعی قلت کر کے لوگوں پر مہنگائی کا ایک عذاب برپا کر رکھا ہے،ملک میں حکو مت اور ادارے عوام کو دونوں ہاتھوں سے لو ٹنے والے مافیاز کے ہاتھوں یر غمال بنے ہو ئے ہیں

انھوں نے کہا شہری رمضان المبارک میں بھلائی اور خیر کے کاموں میں بڑھ چڑھ کر حصہ لیں تاکہ کوئی غریب آدمی سحر و افطار سے محروم نہ رہے، رمضان رحمتوں، برکتوں اور قرآن کا مہینہ ہے۔ ناعاقبت اندیشوں نے چند روپوں کے بدلے عوام کے لیے مشکلات پیدا کر رکھی ہیں۔ان خیالات کا اظہار انھوں نے آئی ٹین کے دورے کے موقع پر تعزیتی اجتماع سے خطاب کر تے ہو ئے کیا ۔میاں محمد اسلم نے کہا پاکستانی رمضان میں اجروثواب کئی گنا بڑھا دیا جاتا ہے۔ نفل کا درجہ فرض میں بدل جاتا ہے اور فرائض کا اجر ستر گنا بڑھ جاتا ہے،رمضان صبر اور ضبط نفس کا مہینہ ہے۔ مسلمان قرآن سے لگا اختیار کریں تاکہ دنیا و آخرت میں ان کی کامیابی ممکن ہو، انھوں نے کہا رمضان المبارک نزول قرآن کا مہینہ ہے، اس ماہ میں ہر مسلمان قرآن کو ترجمے کے ساتھ پڑھے اور سمجھے تاکہ اس کی زندگی میں تبدیلی نظر آئے، میاں محمد اسلم نے کہا رمضان نیکیوں کا موسم بہار ہے، اپنے رب کو راضی کرنے کا مہینہ ہے۔ اب بندے کے پاس وقت ہے کہ وہ اپنے اللہ کو راضی کر لے اور جنت کا حق دار بن جائے۔