ریفری پر حملہ کرنے کی کوشش میں عراقی فٹبالر پر 2 سال کی پابندی عائد کردی گئی۔
بین الاقوامی میڈیا کے مطابق عراق کے فٹبال کلب میں مقامی ٹیموں کے درمیان میچ میں ایک ٹیم القوا الجویہ کے مڈ فلڈر ابراہیم بایش نے کھیل سے باہر جانے کے بعد ریفری پر حملے کی کوشش کی۔
میچ کے دوران جب ابراہیم بایش کو دوسری مرتبہ پیلا کارڈ دکھایا گیا تو فٹبالر نے ریفری کا مذاق اڑایا اور پھر لال کارڈ دکھانے پر فٹبالر طیش میں آگیا، فٹبالر نے ریفری کی جانب بھاگتے ہوئے حملہ کرنے کی کوشش کی اور ریفری کو دھمکیاں بھی دیں جس پر فٹبالر کو پابندی کا سامنا کرنا پڑا۔
اس کے علاوہ کلب ایڈمنسٹریٹو بورڈ کے ممبر حمادی احمد کو بھی ریفری کے خلاف سخت زبان کے استعمال پر 2 سال کی پابندی کی سزا ملی ہے۔
ریفری پر حملہ کرنے کی کوشش میں عراقی فٹبالر پر 2 سال کی پابندی عائد
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
