عمران خان اور فواد چودھری کیلئے عدالت سے بڑی خوشخبری آگئی

اسلام آباد (نیوزڈیسک)لاہور ہائیکورٹ راولپنڈی بینچ نے چیئرمین تحریک انصاف عمران خان اور فواد چودھری کے خلاف الیکشن کمیشن کے شوکاز نوٹس معطل کر دیے۔
الیکشن کمیشن کی جانب سے جاری شوکاز نوٹس کے خلاف عمران خان اور فواد چودھری کی درخواستوں پر سماعت لاہور ہائیکورٹ راولپنڈی بینچ کے جسٹس جواد حسن نے کی۔
عمران خان اور فواد چودھری کی جانب سے فیصل چوہدری ایڈووکیٹ عدالت میں پیش ہوئے۔
عمران خان اور فواد چودھری کی جانب سے دائر درخواستوں میں موقف اختیار کیا گیا تھا کہ توہین عدالت کا اختیار الیکشن کمیشن کو نہیں ہے۔
لاہور ہائیکورٹ راولپنڈی بینچ نے عمران خان اور فوادچودھری کے خلاف الیکشن کمیشن کے شوکاز معطل کرتے کہا کہ شوکاز نوٹس کے معاملے پر لارجر بینچ سماعت کریگا اور درخواستوں پر سماعت 29 ستمبر کو ہو گی۔
یاد رہے کہ الیکشن کمیشن نے انتخابی ضابطہ اخلاق کی خلاف ورزی پر عمران خان اور فواد چودھری کو شوکاز نوٹس جاری کیے تھے جسے پی ٹی آئی رہنماوں نے لاہور ہائیکورٹ راولپنڈی بینچ میں چیلنج کیا تھا۔