اسلام آباد ڈسٹرکٹ سیشن عدالت نے طالبعلم کو بدفعلی کا نشانہ بنانے والے نعت خواں کو مجموعی طور پر 28 سال قید 20 لاکھ روپے جرمانہ کی سزا سنا دی ۔ایڈیشنل سیشن جج ہمایوں دلاور نے کیس کا فیصلہ سنا دیا۔
ملزم قاسم علی کو دفعہ 377 بی میں 14 سال قید 10 لاکھ روپے جرمانہ کی سزا سنائی گئی۔ملزم قاسم علی کو دفعہ 292 میں بھی چودہ سال قید اور 10 لاکھ روپے جرمانہ کی سزا سنائی گئی۔ملزم پر الزام عائد تھا وہ طالبعلم شاہد کو محفل نعت پر لیکر گیا واپسی پر اسلحہ کے زور پر بدفعلی کا نشانہ بنایا ۔ملزم قاسم علی کی نشاندہی پر پولیس نے پسٹل بھی برآمد کر لیا تھا۔شہزاد ٹاون پولیس نے 6 اپریل 2021 کو ملزم کے خلاف مقدمہ درج کیا تھا۔
