پاکستان تحریک انصاف کا تمام ضمنی الیکشن کے بائیکاٹ کا اعلان

تحریک انصاف کے رہنما فواد چوہدری کا کہنا ہے کہ ضمنی انتخاب میں حصہ نہیں لیں گے۔ پارلیمنٹ کے باہر میڈیا سے گفتگو کرتے ہوئے سابق وفاقی وزیر فواد چوہدری کا کہنا تھا کہ شہبازشریف کا آج عدالت میں مقدمہ لگا تھا، ملک کے16 ارب لوٹنے والے کوواشنگٹن سے وزیراعطم منتخب کیاگیا، شہبازشریف نے چپراسیوں کے ذریعیٹی ٹیاں لگوائیں، ہم اس عمل کا حصہ نہیں بنے اور ہم نے اسمبلی سے استعفے دے دیئے ہیں، آج ایک غلام اسمبلی سے ہم آزاد ہو رہے ہیں، اسمبلی میں کھڑے ہوکر ہم نے مستعفی ہونے کا اعلان کیا، اسپیکر کے پاس اب الگ الگ استعفے کی تصدیق کی ضرورت نہیں۔ فواد چوہدری کا کہنا تھا کہ دو تہائی اکثریت اور عمران خان کے درمیان صرف الیکشن حائل ہیں، بہت جلد دوبارہ حکومت میں واپس آئیں گے، یہ لڑائی پاکستان کی آزادی کی لڑائی ہے، کل ملک بھر سے عوام عمران خان سے یکجہتی کے لیے عوام باہر نکلے، جو اداروں کے خلاف مہم چلا رہے ہیں اس کی مذمت کرتے ہیں، پشاور میں بڑا جلسہ کریں گے، عمران خان پشاور میں بدھ کو بڑاجلسہ کریں گے۔ سابق وفاقی وزیر نے کہا کہ ضمنی انتخاب میں حصہ نہیں لیں گے، کوئی ہمارے بغیر اگر ضمنی الیکشن کرواسکتا ہے تو کروا کر دکھائیں، صدر مملکت استعفی نہیں دے رہے،