چین کی بیرونی تجارت میں مسلسل 15 ویں ماہ اضافہ

بیجنگ ( ما نیٹر نگ ڈیسک) چین کی کسٹمز انتظامیہ نے کہا ہے کہ رواں سال کے پہلے آٹھ مہینوں میں ملک کی درآمدات اور برآمدات کی کل مالیت 24.78 ٹریلین یوآن رہی ، جس میں پچھلے سال کی اسی مدت کے مقابلے میں 23.7 فیصد کا اضافہ ہوا ہے ۔انتظا میہ کی جانب سے جاری کردہ اعداد و شمار کے مطابق یہ مالیت 2019 کی اسی مدت کے مقابلے میں22.8 فیصد زائد ہے۔علاوہ ازیں یہ چین کی بیرونی تجارت میں مثبت ترقی کا مسلسل 15 واں مہینہ ہے ، جو ایک مستحکم اور مضبوط رجحان کو ظاہر کرتا ہے۔بہت سارے آزاد تجرباتی زونز نے مختلف طرز کے نئے تجارتی ماڈلز کو آزمایا ہے ، جس سے زیادہ سے زیادہ درآمد شدہ مصنوعات لوگوں کی زندگیوں میں داخل ہو ئی ہیں۔