اسلام آباد (سب نیوز)نائب وزیراعظم ووزیرخارجہ اسحاق ڈار نے سعودی وزیرخارجہ فیصل بن فرحان، ترکیہ کے وزیرخارجہ ہاکان فیدان اور مصر کے وزیرخارجہ بدرعبدالعاطی سے رابطہ کرکے اسلام آباد مذاکرات اور فریقین کے درمیان روابط کیلئے مسلسل کوششوں سے آگاہ کیا۔
ترجمان دفترخارجہ کے مطابق نائب وزیراعظم و وزیرخارجہ اسحاق ڈار نے سعودی وزیرخارجہ فیصل بن فرحان سے رابطہ کیا، اسحاق ڈار نے اسلام آباد مذاکرات کے حوالے سے پیش رفت سے آگاہ کیا۔ دونوں رہنماں نے خطے اور عالمی سطح پر امن و استحکام کے فروغ پر اتفاق کیا۔ نائب وزیراعظم اسحاق ڈار نے مذاکرات میں سہولت فراہم کرنے میں پاکستان کے کردار اورتمام فریقوں کی جنگ بندی کے وعدوں پرعمل کرنے کی اہمیت پرزور دیا۔ اسحاق ڈار نے خطے میں امن واستحکام کو فروغ دینے کیلئے تمام سفارتی کوششوں کی حمایت کا اعادہ کیا۔
دوسری جانب اسحاق ڈار نے مصر کے وزیرخارجہ بدرعبدالعاطی سے بھی رابطہ کیا اور فریقین کے درمیان روابط کیلئے مسلسل کوششوں سے آگاہ کیا۔ اسحاق ڈار نے خطے میں امن واستحکام کیلئے بات چیت اور سفارت کاری کی ضرورت کا اعادہ کیا، کہا تمام فریقین کیلئے جنگ بندی کے اپنے عزم کو برقراررکھنا ضروری ہے۔وزیرخارجہ اسحاق ڈار نے ترکیہ کے وزیرخارجہ ہاکان فیدان سے رابطہ بھی رابطہ کیا، دونوں رہنماوں نیاسلام آباد مذاکرات کے حوالے سے پیشرفت کا جائزہ لیا، ہاکان فیدان نیایران امریکامذاکرات میں سہولت کاری کیلئے پاکستان کے کردار کو سراہا۔ ترک وزیرخارجہ نے تمام سفارتی کوششوں کیلئے اپنی حمایت کا اعادہ کیا اور اسحاق ڈار کو اس ماہ کے آخر میں انطالیہ ڈپلومیسی فورم میں شرکت کی دعوت دی۔
وزیر خارجہ اسحاق ڈار کے سعودی عرب، ترکیہ اور مصر کے وزرائے خارجہ سے رابطے، جنگ بندی کے عزم کو برقرار رکھنے کی ضرورت پر زور
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
