معروف سماجی کارکن زمرد خان کی اسفندیار بھنڈارا سے ملاقات

اسلام آباد (آئی پی ایس ) معروف سماجی کارکن اور سابق رکن قومی اسمبلی زمرد خان نے اسفندیار بھنڈارا سے ملاقات کی۔ اس موقع پر جناب خورشید انور بھی ان کے ہمراہ تھے۔ ملاقات کے دوران بھنڈارا نے ان کا پرتپاک استقبال کیا اور پاکستان سویٹ ہومز کے جاری کاموں میں گہری دلچسپی کا اظہار کیا۔انہوں نے نادار بچوں کی دیکھ بھال اور تربیت کے لیے کی جانے والی بامقصد کوششوں کو سراہا۔ بھنڈارا نے اس نیک مقصد کے لیے ہر ممکن تعاون کی یقین دہانی بھی کروائی۔ انہوں نے اس ادارے کی مسلسل خدمات کے لیے نیک خواہشات کا اظہار کرتے ہوئے کہا کہ سماجی فلاح و بہبود کو مضبوط بنانے کے لیے اجتماعی کوششیں نہایت اہم ہیں۔