اسلام آباد (آئی پی ایس)صدرِ مملکت آصف علی زرداری سے گورنر پنجاب سردار سلیم حیدر خان کی ایوانِ صدر میں ملاقات ہوئی، ملاقات میں صوبہ پنجاب کی مجموعی انتظامی صورتحال اور عوامی فلاح کے اقدامات پر تبادلہ خیال کیا گیا ۔
صدرِ مملکت نے کہا کہ عوامی مسائل کے موثر حل کے لیے وفاق اور صوبوں کے درمیان موثر ہم آہنگی وقت کی اہم ضرورت ہے۔علاوہ ازیں صدرِ مملکت آصف علی زرداری سے گورنر گلگت بلتستان سید مہدی شاہ نے ایوانِ صدر میں ملاقات کی ، گلگت بلتستان کی ترقی اور عوامی فلاح کے منصوبوں پر تفصیلی گفتگو کی گئی ۔صدر مملکت نے ملاقات میں گفتگو کرتے ہوئے کہا کہ گلگت بلتستان میں انفراسٹرکچر اور عوامی سہولیات کی بہتری کے لیے بھرپور کوششیں جاری رکھی جائیں۔
