اسلام آباد (سب نیوز)ایتھوپیا کے سفیر ڈاکٹر عمر حسین اوبا نے جمعہ کے روز اسلام آباد میں ترکمانستان کے سفیر اور ڈین آف ڈپلومیٹک کورپس عطاجان موولاموف سے ملاقاتِ شائستگی کی۔
دونوں فریقین نے باہمی دلچسپی کے امور پر تبادلہ خیال کیا اور ایتھوپیا اور ترکمانستان کے درمیان دوطرفہ، علاقائی اور کثیرالجہتی تعاون کے ممکنہ شعبوں پر گفتگو کی۔سفیر ڈاکٹر عمر حسین اوبا نے خشکی سے گھرے ممالک کی حمایت میں ترکمانستان کے کردار کو سراہا اور ہوا بازی، توانائی، ثقافت اور تعلیم کے شعبوں میں تعاون کے ذریعے دوطرفہ تعلقات کو مزید مضبوط بنانے کی ضرورت پر زور دیا۔
ترکمانستان کے سفیر نے اپنے ملک کے مستقل غیرجانبداری کے اصول اور خشکی سے گھرے ممالک کے لیے ٹرانزٹ راہداریوں کے فروغ میں اس کی کوششوں پر روشنی ڈالی۔انہوں نے اسلام آباد میں سفارتی کور کے سرگرمیوں کے بارے میں بھی بریفنگ دی۔
