کولمبو (سب نیوز)ٹی ٹوئنٹی ورلڈ کپ کے 27ویں میچ میں بھارت نے پاکستان کو 61 رنز سے شکست دیدی،کولمبو میں کھیلے گئے میچ میں پاکستان کی ٹیم 176 رنز کے تعاقب میں 114 رنز پر ڈھیر ہوگئی،پاکستان کی جانب سے محمد عثمان 44رنز بنا کر نمایاں رہے، شاداب خان 14، فہیم اشرف 10، صائم ایوب 6، بابر اعظم 5، کپتان سلمان آغا 4، محمد نواز 4، عثمان طارق، ابرار احمد اورصاحبزادہ فرحان 0 کے اسکور پر آوٹ ہوئے،بھارت کی جانب سے ہاردک پانڈیا، ورون چکرورتی، اکشر پٹیل اور جسپریت بمراہ نے 2، 2 کھلاڑیوں کو آوٹ کیا جبکہ کلدیپ یادو اور تلک ورما نے 1، 1 وکٹ حاصل کی،بھارت کی جانب سے ایشان کشن 77رنز بنا کر نمایاں رہے، کپتان سوریا کمار یادو 32، شیوم ڈوبے 27، تلک ورما 25، ہاردک پانڈیا 0، اکشر پٹیل 0 اور ابھیشیک شرما 0 کے انفرادی اسکور پر آوٹ ہوئے،پاکستان کی جانب سے صائم ایوب نے 3کھلاڑیوں کو آوٹ کیا، کپتان سلمان آغا عثمان طارق، اور شاہین شاہ آفریدی نے 1، 1وکٹ حاصل کی۔
تفصیلات کے مطابق آئی سی سی ٹی 20ورلڈ کپ کے 27ویں میچ میں بھارت نے پاکستان کو 61رنز سے شکست دیدی۔176رنز کے ہدف کے تعاقب میں پاکستان کی ٹیم رنز بنا سکی، پاکستان کی جانب سے عثمان خان 44 رنز بنا کر نمایاں رہے، شاداب خان نے 14 اور فہیم اشرف نے 10 رنز بنائے۔ صائم ایوب نے 6 اور بابر اعظم نے 5 رنز بنائے، کپتان سلمان علی آغا اور محمد نواز نے 4، 4 رنز کی اننگ کھیلی، صاحبزادہ فرحان، ابرار احمد اور عثمان طارق بغیر کوئی رن بنائے آوٹ ہوئے، شاہین شاہ آفریدی 22 رنز بنا کر ناٹ آوٹ رہے، پاکستان کے 7کھلاڑی ڈبل فگر میں بھی داخل نہ ہو سکے۔بھارت کی جانب سے ہاردک پانڈیا، ورون چکرورتی، اکشر پٹیل اور جسپریت بمراہ نے 2، 2 کھلاڑیوں کو آوٹ کیا جبکہ کلدیپ یادو اور تلک ورما نے 1، 1 وکٹ حاصل کی۔اس سے قبل بھارت نے پہلے بیٹنگ کرتے ہوئے مقررہ 20 اوورز میں 7 وکٹ کے نقصان پر 175 رنز بنائے، بھارتی اوپنر ابھیشیک شرما پہلے ہی اوور میں سلمان آغا کی گیند پر بغیر کوئی رنز بنائے آوٹ ہوئے۔
بھارت کے دوسرے آوٹ ہونے والے بیٹر ایشان کشن تھے جو کہ 40 گیندوں پر 77 رنز بناکر صائم ایوب کی گیند پر بولڈ ہوئے۔15ویں اوور میں 126 کے مجموعی سکور پر تلک ورما کو صائم ایوب نے آوٹ کیا، انہوں نے 25 رنز بنائے، اگلی ہی گیند پر ہاردک پانڈیا بغیر کوئی رن بنائے صائم ایوب کا شکار بن گئے۔پاکستان کے خلاف بھارت کی پانچویں وکٹ 159 رنز پر گری جب بھارتی کپتان سوریا کمار یادیو 32 رنز بناکر عثمان طارق کی گیند پر آوٹ ہوئے، ان کے علاوہ شیوم دوبے نے 27 جب کہ اکشر پٹیل بغیر کوئی رن بنائے آوٹ ہوئے۔پاکستان کی جانب سے صائم ایوب نے 3وکٹیں حاصل کیں جب کہ عثمان طارق، شاہین آفریدی اور سلمان آغا نے ایک ایک وکٹ لی، ایک کھلاڑی رن آوٹ ہوا۔
