اسلام آباد (آئی پی ایس )وفاقی وزیر داخلہ محسن نقوی کا کہنا ہیکہ اسلام آباد خودکش حملیکی ساری پلاننگ داعش افغانستان نیکی، حملیکا ماسٹر مائنڈ ہماری حراست میں ہے ، سی ٹی ڈی نے واقعے سے منسلک تمام افراد کو پکڑلیا ہے۔اسلام آباد میں میڈیا سے گفتگو میں وفاقی وزیر داخلہ محسن نقوی کا کہنا تھا کہ دہشت گردوں کی ساری فنڈنگ بھارت کررہا ہے، بھارت نے پاکستان میں دہشت گردی کرنے کے لیے اپنا بجٹ بڑھایا، دیگر ممالک کو بھارت کی وجہ سے درد ہوگا تو بھارت کے خلاف آواز اٹھیگی اور ایک دن ہر ملک بھارت کے خلاف بولیگا۔
وزیر داخلہ کا کہنا تھا کہ نوشہرہ اور پشاور میں 4 سہولت گرفتار کییگئے، سی ٹی ڈی خیرپختونخوا نیگرفتاری میں مدد کی، ماسٹرمائنڈ کا تعلق کالعدم داعش سے ہے اور ہماری حراست میں ہے، پمارے پاس ثبوت موجود ہیں کہ کیسے حملہ آورکو لایا گیا، چھاپے کے دوران خیبرپختونخوا کا اہلکار شہید ہوا، چند اہلکار زخمی بھی ہوئے، حملے کی پلاننگ داعش نے افغانستان میں کی، دہشت گردکو ٹریننگ افغانستان میں دی گئی۔
محسن نقوی کا کہنا تھا کہ عوام سے گزارش ہے ہم حالت جنگ میں ہیں، کمیونٹی کی انٹیلی جنس اہم ہے، 21 دہشت گرد تنظیمیں افغانستان سے آپریٹ ہو رہی ہیں، دعوے سے کہتا ہوں ایک دھماکا ہوا لیکن 99 دھماکے روکے بھی ہیں۔
وزیر داخلہ کا کہنا تھا کہ دہشت گردوں کو تمام ٹارگٹ بھارت دے رہا ہے اور پوری فنڈنگ کر رہا ہے، جس دہشت گرد کو پہلے 500 ڈالر مل رہے تھے اس کو اب 1500 ڈالر مل رہے ہیں، بھارت نے مئی کی شکست کے بعد اب دہشت گردی کے لیے بجٹ تین گنا بڑھادیا ہے، یہ دہشت گردوں کا دس گنا بجٹ کردیں ہم اس کو روکیں گے،اس دفعہ بلوچستان میں جتنے حملے ہوئے جو آیا بچ کر نہیں گیا، بی ایل اے ویڈیوز بناتی ہے جو بھارتی میڈیا پر چلتی ہیں۔
ان کا کہنا تھا کہ دشمن دشمن ہے، دشمن کی کیٹیگریز نہیں بنتیں، پاکستان کے خلاف جنگ کرنے والیکو کیٹیگریز میں تقسیم نہ کریں، دنیا نے آواز نہیں اٹھائی تو دیکھ لے اس کا نقصان کتنا ہوگا، دہشت گرد تنظیمیں مل کر کارروائیاں کررہی ہیں، ہم نے بہت سارے سوشل میڈیا اکانٹس پکڑے ہیں جو دہشت گرد بھی استعمال کر رہیہیں، ہم نیسوشل میڈیا پلیٹ فارمزکو کہا ہے کہ اگر وہ یہ اکانٹس بند نہیں کریں گے تو کچھ اور آپشن اختیار کریں گے، ہم نے کبھی دہشت گردی کو سپورٹ نہیں کیا۔ وزیر داخلہ کا کہنا تھا کہ میں سکیورٹی اداروں کی چھوٹی سی ضرورت کو بھی پورا نہیں کرپارہا، اسلام آباد کے 93 داخلی راستے ہیں، پھر ریڈ زون ہے، اسلام آباد پولیس کی 80 فیصد نفری 50 سال سے زیادہ عمرکی ہے۔
