اسلام آباد(آئی پی ایس) اسلام آباد ہائی کورٹ نے پی ٹی وی سے گزشتہ تین سالوں کے مالی اخراجات کی تفصیلات طلب کر لیں،
اسلام آباد ہائیکورٹ کے جسٹس محمد آصف نے عدالتی حکم عدولی پر توہین عدالت کیس کی سماعت کی ،
پی ٹی وی کے ریٹائرڈ ملازمین کو پنشنرز اور واجبات کی عدم ادائیگی کے کیس میں توہین عدالت کی درخواست دائر کی تھی ،
درخواست گزار پنشنرز کے نمائندے، سابق ڈائریکٹر ایڈمن ظفراللہ اپنے وکیل وقاص ملک ایڈوکیٹ کے ہمراہ عدالت پیش ہوئے ،
پی ٹی وی حکام کے مطابق واجبات کی ادائیگی کے لیے حکومت کو اضافی گرانٹ کے لیے لکھ دیا جس پر غور جاری ہے،
وقاص ملک ایڈوکیٹ نے موقف اپنایا کہ پی ٹی وی میں غیر ضروری بھرتیوں اور اخراجات پر کروڑوں کے اخراجات جاری ہیں،گزشتہ دو سالوں میں پی ٹی وی کی تنخواہوں کےبجٹ میں ایک ارب 56 کروڑ روپے کا اضافہ ہوا،
وکیل درخواست گزار نے کہا کہ اربوں روپے کی شاہ خرچیوں کے باوجود ملازمین کو پینشن سے محروم رکھا جا رہا ہے،
وقاص ملک ایڈوکیٹ نے کہا کہ صرف ریٹائرڈ ملازمین کو پینشن نہ دینے کے بہانے تراشے جا رہے ہیں،اس میں مزید کوئی قانونی نکتہ نہیں، پی ٹی وی اتھارٹیز کی صرف ہٹ دھرمی ہے،آرڈر کے خلاف جو اپیلیں دائر کی تھیں وہ خارج ہو چکیں، کہیں سے اسٹے نہیں ملا، عدالتی حکم پر عمل نہیں کر رہے، عمل درآمد نہیں کرتے تو اڈیالہ جیل بھیجا جائے، ان سے پوچھیں کہ کیا یہ شاپنگ بیگ میں کپڑے ساتھ لائے ہیں،
وکیل درخواست گزار نے موقف اپنا کہ پی ٹی وی سے مالی اخراجات کی تفصیلات طلب کی جائیں،
عدالت نے استدعا منظور کرتے ہوئے پی ٹی وی سے تین سال میں اخراجات کی تفصیلات طلب کر لیں ۔کیس کی مزید سماعت 20 فروری کو ہو گی،
