اسلام آباد(سب نیوز) کیپیٹل ڈیولپمنٹ اتھارٹی (سی ڈی اے) نے ادارہ جاتی امور کی بہتری کے لیے متعدد افسران کے تقرر و تبادلے کے احکامات جاری کر دیے ہیں۔ ہیومن ریسورس ڈیولپمنٹ ڈائریکٹوریٹ کے مطابق یہ تقرر و تبادلے فوری طور پر نافذ العمل ہوں گے اور تاحکمِ ثانی برقرار رہیں گے۔
نوٹیفکیشن کے مطابق ڈائریکٹر پلاننگ (بی پی ایس-19) مرزا اعجاز احمد شیخ کو ڈائریکٹر ماسٹر پلان کی اضافی ذمہ داریاں سونپی گئی ہیں، جبکہ وہ ڈی جی (اسپیشل پلاننگ) او پی ایس کا چارج بھی دیکھیں گے۔ٹاؤن پلانر (بی ایس-17) اسامہ یونس کو ڈپٹی ڈائریکٹر ماسٹر پلان سیل (او پی ایس) تعینات کیا گیا ہے اور انہیں ہاؤسنگ سوسائٹیز-II کے امور کی اضافی ذمہ داری بھی دی گئی ہے۔اسی طرح حسن بن وسیم اور ہنین ہمایوں خان کو ڈپٹی ڈائریکٹر-I و II ریجنل پلاننگ (او پی ایس) کے فرائض سونپے گئے ہیں۔
ارسلان عباس کو ڈپٹی ڈائریکٹر-II ہاؤسنگ سوسائٹیز (او پی ایس)، جبکہ اعظم علی کو ڈپٹی ڈائریکٹر-II اربن پلاننگ (او پی ایس) تعینات کیا گیا ہے۔خرم شہزاد کو ٹاؤن پلانر-I اربن پلاننگ ڈائریکٹوریٹ-I میں ذمہ داریاں دی گئی ہیں اور وہ ڈائریکٹوریٹ-II کے امور بھی دیکھیں گے۔تمام متعلقہ افسران کو ہدایت کی گئی ہے کہ وہ چارج ریلیونکشن/اسَمپشن رپورٹس فوری طور پر ایچ آر ڈی ڈائریکٹوریٹ میں جمع کرائیں۔ یہ احکامات چیئرمین سی ڈی اے کی منظوری سے جاری کیے گئے ہیں۔
