نیویارک ( شاہ خالد خان): ٹرمپ انتظامیہ کی جانب سے 21 جنوری 2026 سے نافذ العمل 75 ممالک کے شہریوں کے امیگرنٹ ویزوں کی جاری کرنے پر عائد پابندی کو امریکی عدالت میں چیلنج کر دیا گیا ہے۔ شہری حقوق کی تنظیموں، قانونی امدادی گروپس اور متاثرہ امریکی شہریوں نے منہٹن کی جنوبی ضلع وفاقی عدالت (U.S. District Court for the Southern District of New York) میں محکمہ خارجہ اور سیکرٹری آف سٹیٹ مارکو روبیو کے خلاف مقدمہ دائر کیا ہے۔
یہ مقدمہ نیشنل امیگریشن لا سینٹر (NILC)، ڈیموکریسی فارورڈ، دی لیگل ایڈ سوسائٹی، ویسٹرن سینٹر آن لا اینڈ پاورٹی، سینٹر فار کانسٹی ٹیوشنل رائٹس اور دیگر تنظیموں کی جانب سے دائر کیا گیا ہے۔ مقدمے میں مؤقف اپنایا گیا ہے کہ یہ پالیسی غیر قانونی قومی بنیاد پر امیگریشن پر پابندی ہے جو دہائیوں پرانے مستحکم امیگریشن قوانین کو شدید نقصان پہنچا رہی ہے۔ یہ اقدام خاندانوں کو الگ کر رہا ہے اور محنتی افراد کو امریکہ آنے سے روک رہا ہے۔
محکمہ خارجہ نے 14 جنوری 2026 کو اعلان کیا تھا کہ 21 جنوری سے امیگرنٹ ویزوں (گرین کارڈ) کی جاری کرنے کا عمل ان 75 ممالک کے شہریوں کے لیے معطل کر دیا جائے گا جن کے شہریوں کو “پبلک چارج” (امریکی ویلفیئر سسٹم پر انحصار) کا زیادہ خطرہ سمجھا جاتا ہے۔ یہ پابندی صرف امیگرنٹ ویزوں پر ہے، نان امیگرنٹ ویزوں (جیسے ٹورسٹ، بزنس یا سٹوڈنٹ ویزوں) پر نہیں۔
متاثرہ ممالک کی فہرست میں پاکستان، افغانستان، بنگلادیش، الجزائر، البانیہ، آرمینیا، آذربائیجان، بیلاروس، بھوٹان، بوسنیا اینڈ ہرزیگووینا، برازیل، کیوبا، ایران، عراق، نائیجیریا، روس، صومالیہ، سوڈان، شام، تھائی لینڈ اور دیگر شامل ہیں
انتظامیہ کا دعویٰ ہے کہ یہ اقدام امریکی ٹیکس پیئرز کے وسائل کے تحفظ کے لیے ہے، جبکہ مقدمہ دائر کرنے والے اسے نسل پرستانہ اور غیر قانونی قرار دے رہے ہیں۔ مقدمے میں فوری طور پر پالیسی روکنے کے لیے عدالت سے انجیکشن (روک تھام کا حکم) مانگا گیا ہے۔
یہ مقدمہ ٹرمپ انتظامیہ کی امیگریشن پالیسیوں کے خلاف اب تک کی سب سے بڑی قانونی چیلنج ہے۔ مقدمے کی تازہ ترین اپ ڈیٹ کے مطابق، یہ 2 فروری 2026 کو دائر کیا گیا اور ابھی ابتدائی مراحل میں ہے۔ کوئی حتمی فیصلہ نہیں آیا۔
