اسلام آباد(آئی پی ایس )سی ڈی اے کی جانب سے تین افسران کو ترقی دیدی گئی،فیاض احمد وٹو کو ایگزیکٹو کیڈر میں بطور ڈائریکٹر ترقی دی گئی۔ تفصیلات کے مطابق کیپیٹل ڈویلپمنٹ اتھارٹی کی جانب سے ڈی پی سی کر کے تین افسران کو ڈپٹی ڈائریکٹر سے ڈائریکٹر کے عہدے پر ترقی دیدی گئی۔ ترقی پانے والوں میں عبدالرزاق ، فیاض احمد وٹو اور عبدالحق بریرو کو ڈائریکٹر کے عہدے پر ترقی دیدی گئی۔اس حوالے سے باضابطہ نوٹیفکیشن جاری کردیا گیا۔ یاد رہے فیاض احمد وٹو ایگزیکٹو کیڈر میں ڈائریکٹرکے عہدے پر پروموٹ کیے گئے ہیں۔
