اسلام آباد(آئی پی ایس ) وفاقی وزیر دفاع خواجہ آصف نے کہا ہے کہ وادی تیراہ میں نقل مکانی معمول کی بات ہے، خیبر پختونخوا حکومت فوج پر ملبہ ڈالنا چاہتی ہے۔وفاقی دارالحکومت میں وفاقی وزیر عطا تارڑ اور اختیار ولی خان کے ہمراہ پریس کانفرنس کرتے ہوئے خواجہ آصف کا کہنا تھا کہ جرگہ کے بعد صوبائی حکومت کی طرف سے نوٹیفکیشن جاری کیا گیا۔
انہوں نے کہا کہ صوبائی حکومت نے نقل مکانی کرنیوالوں کے لیے 4ارب روپے فنڈز رکھے ہیں، نقل مکانی کوبحران کی شکل دینے کی کوشش کی جارہی ہے، صوبائی حکومت اور جرگے کی مشاورت کے بعد نوٹیفکیشن جاری کیا گیا۔وفاقی وزیر دفاع کا کہنا تھا کہ جرگے میں طے پایا کہ علاقے میں سکول اور تھانے قائم کیے جائیں گے، یہ نقل مکانی معمول کی بات ہے،صوبائی حکومت کے مفادات ٹی ٹی پی کے ساتھ جڑے ہوئے ہیں۔خواجہ آصف نے کہا کہ صوبائی حکومت کی پرفارمنس دیکھیں توعلاقے میں ہسپتال، سکول، تھانہ نہیں، خیبرپختونخوا حکومت اپنی ناکامیوں کا سارا ملبہ فوج پر ڈال رہی ہے
، اِس سارے معاملیمیں فوج کا کوئی تعلق نہیں۔ان کا کہنا تھا کہ نقل مکانی ہرسال ہوتی ہیکوئی انوکھی چیزنہیں، خیبرپختونخوا حکومت عوام کی توقعات پرپورا نہیں اتررہی، صوبائی حکومت اپنی نااہلی کو چھپانے کے لیے مختلف ہتھکنڈے استعمال کر رہی ہے۔وفاقی وزیر دفاع نے کہا کہ وادی تیراہ میں کئی سالوں سےآپریشن نہیں ہوا، انٹیلی جنس بیسڈ آپریشن ہوتے رہتے ہیں، صوبائی حکومت اورمشران کے جرگے سے فوج کا کوئی تعلق نہیں۔
