اسلام آباد (آئی پی ایس )چیئرمین سی ڈی اے محمد علی رندھاواکی زیر صدارت جڑواں شہروں میں پانی کے مسائل کو مستقل بنیادوں پر حل کرنے کے حوالے سے سی ڈی اے ہیڈکوارٹرز میں اجلاس ،اجلاس میں سی ڈی اے کے ممبر پلاننگ و ڈیزائن، ممبر فنانس، واپڈا، آر ڈی اے، راولپنڈی کینٹ بورڈ، پنجاب سمال ڈیمز کے نمائندگان اور اسلام واٹر کے سینئر افسران کی شرکت،
اجلاس میں اسلام آباد اور راولپنڈی میں پانی کے مسائل کے مستقل حل کیلئے شاہدرہ اور دوتارہ ڈیموں کی تعمیر کے حوالے سے تبادلہ خیال ،جڑواں شہروں میں پانی کی قلت کے مسئلے کو ہمیشہ کیلئے حل کرنے کیلئے دونوں ڈیمز کی تعمیر انتہائی اہمیت کی حامل ہے، دنوں ڈیموں کے منصوبوں کو ترجیح بنیادوں پر پایہ تکمیل تک پہنچایا جائے۔شاہدرہ ڈیم منصوبے کی فزیبلٹی اسٹڈی واپڈا کی جانب سے مکمل کرلی گئی ہے۔فیزیبلٹی اسٹڈی کے مطابق شاہدرہ ڈیم کی سائیٹ ڈیم کی تعمیر کیلئے انتہائی موزوں ہے۔
شاہدرہ ڈیم منصوبے کے تفصیلی ڈیزائن کیلئے نیسپاک کے کنسلٹنٹس کام کا آغاز کر رہے ہیں۔واپڈا اور نیسپاک کنسلٹنٹس کی ٹیموں کی جانب سے جلد مشترکہ طور پر شاہدرہ ڈیم کی سائیٹ کے دورے کا فیصلہ ۔دورے میں جیو ٹیکنیکل انویسٹیگیشن اور ہائیڈروو لوجیکل اسٹڈیز کا جائزہ لیا جائیگا۔دوتارہ ڈیم منصوبے کیلئے واپڈا فیزیبلٹی اسٹڈی پر کام کررہا ہے۔دوتارہ ڈیم کی فیزیبلٹی اسٹڈی کو جلد مکمل کیا جائے، چیئرمین دونوں منصوبوں کی بروقت تکمیل کیلئے ٹائم لائنز کے مطابق عملدرآمد کو یقینی بنایا جائے۔تمام متعلقہ اداروں کے درمیان مربوط رابطوں کو یقینی بناتے ہوئے دونوں ڈیموں کی تعمیر کے عمل کو جلد حتمی شکل دی جائے، وفاقی دارالحکومت اسلام آباد میں بلا تعطل پانی کی فراہمی کو یقینی بنانا اولین ترجیحات میں شامل ہے۔
