راولپنڈی سے اسلام آباد سفر کرنے والوں کیلئے ٹریفک ایڈوائزری جاری

اسلام آباد (سب نیوز)راولپنڈی سے اسلام آباد سفر کرنے والوں کیلئے ٹریفک ایڈوائزری جاری کردی گئی ہے۔
ایڈوائزری میں کہا گیا ہے کہ کل (5جنوری)صبح 7 تا 10 بجے کھنہ سے فیض آباد ایکسپریس وے پر ٹریفک کا دبائوہوگا۔اس دوران راولپنڈی مری روڈ سے ایکسپریس ہائی وے اور آئی جے پی روڈ سے ایکسپریس جانے والے لوپس پر ڈائیورشنز لگائی جائیں گی۔شہری متبادل کے طور پر مارگلہ انڈر پاس اور کلب روڈ کا استعمال کرسکتے ہیں۔
اسی طرح شام 5 بجے تا 9 بجے تک زیرو پوائنٹ سے کھنہ کی طرف ایکسپریس ہائی وے پر ٹریفک کا دبائو ہوگا۔ان اوقات میں ٹریفک کی روانی میں سستی آسکتی ہے۔اسلام آباد ٹریفک پولیس کے خصوصی اسکواڈز ہائی وے پر تعینات ہوں گے۔شہریوں سے گزارش ہے کہ وہ اس دوران اضافی وقت کے ساتھ سفر کریں۔اسلام آباد ٹریفک پولیس ٹریفک کی روانی کو یقینی بنانے کے لیے ہمہ وقت کوشاں ہے۔کسی بھی اپ ڈیٹ کے لئے ٹریفک ہیلپ لائن 1915 یا پکار 15 پر رابطہ کرسکتے ہیں۔