اسلام آباد(سب نیوز) چیئرمین کیرئیر گروپ آف انسٹیٹیوشنز جاوید انتظار نے اہل پاکستان، کیرئیر کالج اور کیرئیر اکیڈمی کے اساتذہ، والدین اور طلباء ، نان ٹیچنگ سٹاف کو نئے سال کی مبارکباد دیتے ہوئے اپنے پیغام میں کہا کہ اسلام آباد کیرئیر کالج جنوری 2026 میں تین نئی برانچز کا افتتاح کرے گا ۔
ان تین برانچز میں آئی سی سی چٹھہ بختاور کیمپس ، آئی سی سی صدیق شہید چوک کلر سیداں روڈ روات کیمپس ، آئی سی سی جوڈیشل کالونی کمرشل ایریا گلزار قائد راولپنڈی شامل ہیں۔ نیت اور کارکردگی سے اسلام آباد کیرئیر کالجز اور کیرئیر اکیڈمیز ترقی کی منازل طے کر رہے ہیں۔
یتیموں کو مفت تعلیم دے رہے ہیں ۔ غریبوں اور پوزیشن ہولڈرز طلباء کو وظائف دے رہے ہیں ۔ ٹیچنگ اور نان ٹیچنگ سٹاف کے لئے روزگار کے دروازے کھول رہے ہیں ۔ ملک کے لئے سستی اور معیاری تعلیم دے کر محنتی ،ایماندار اور فعال افراد اور قیادت تیار کر کے ریاست کا ہاتھ بٹا رہے ہیں ۔
