کابل(سب نیوز )افغانستان کے صوبے بغلان میں نیشنل ریزسٹنس فرنٹ (این آر ایف) کی جانب سے افغان طالبان کے 3 اہلکار ہلاک کرنے کا دعوی کیا گیا ہے۔این آر ایف کی جانب سے جاری بیان میں کہا گیا ہے کہ بغلان کے ضلع نہرین میں طالبان کی جانب سے ایک ٹھکانے پر حملہ کیا گیا جس کے جواب میں این آر ایف کے جنگجوں نے کارروائی کی۔
این آر ایف کے مطابق جھڑپ میں 3 طالبان کے جنگجو مارے گئے اور طالبان فورسز کو پسپائی اختیار کرنا پڑی۔افغان صوبے پنجشیر میں نیشنل ریزسٹنس فرنٹ کا طالبان کے چیف آف اسٹاف سمیت 17 ارکان کو ہلاک کرنے کا دعوی
این آر ایف نے مزید دعوی کیا کہ طالبان فورسز نے گولی مار کر ایک چرواہے کو بھی ہلاک کردیا۔دوسری جانب تاحال طالبان کی جانب سے اس واقعے پر کوئی ردِعمل سامنے نہیں آیا۔ خیال رہے کہ اس سے قبل نیشنل ریزسٹنس فرنٹ افغان صوبے پنجشیر میں طالبان کے چیف آف اسٹاف سمیت 17 ارکان کو ہلاک کرنے کا دعوی کیا تھا تاہم اس پر بھی طالبان کی جانب سے کوئی ردعمل سامنے نہیں آیا تھا۔
