اسلام آباد (آئی پی ایس )چوہدری شجاعت حسین کی ہدایت پر مسلم لیگ ق کی مرکزی کابینہ کی تشکیل، نئی مرکزی کابینہ میں علما، دانشور،سابق بیورو کریٹس، خواتین ،بزنس مین،سفارتکار شامل ہیں ۔ ترجمان ق لیگ مصطفی ملک کے مطابق پارٹی کے نئے ونگز اور اسٹریٹجک انسٹی ٹیوٹ بھی قائم کیے گئے ہیں، سابق وزیراعلی بلوچستان میر نصیر مینگل، مہرین ملک آدم ،صفدر باغی مرکزی نائب صدور مقرر، سندھ سے نعمت خان خلجی، عبدالقادر چاچڑ ،پشاور کے صفدر باغی بھی پارٹی کے مرکزی نائب صدر مقرر، سابق بیورکریٹس کنور دلشاد، رحیم اعوان ، ڈاکٹر افتخار بھی مرکزی کابینہ کا حصہ ہوں گے ۔
پارٹی اعلامیہ کے مطابق سابق رکن قومی اسمبلی آمنہ سلیم ،ڈاکٹر رحیم اعوان، ملک اولیاز خان، کنور ارشد خان مرکزی ایڈیشنل سیکرٹری جنرلز مقرر،کنور محمد دلشاد صدر، ڈاکٹر افتخار احمد جنرل سیکرٹری نیشنل اسٹریٹجک انسٹی ٹیوٹ نامزد،رکن قومی اسمبلی مسز فرخ خان صدر ویمن ونگ،یاسر لغاری صدر ہیومن رائٹس ونگ مقرر ،پیر سید چراغ الدین شاہ صدر علما و مشائخ ونگ ،کامران سعید عثمانی یوتھ ونگ کے مرکزی صدر مقرر، ملک کامران منیر،شاہد عباسی،عظام چوہدری مرکزی ڈپٹی سیکرٹری اطلاعات مقرر کر دئے گئے، عاطف مغل ،حیدر خان خلیل مرکزی جوائنٹ سیکرٹریز ، مسز تربعیہ بخاری صدر فارن ریلیشنز کمیٹی مقرر،نئے عہدے داروں کی منظوری چوہدری سالک حسین کی سربراہی میں قائم کمیٹی نے دی
کمیٹی اراکین میں ڈاکٹر امجد،طارق حسن ،مصطفی ملک، مسز فرخ خان، حافظ عقلیل شامل تھے، نومنتخب عہدے داروں میں نوٹیفکیشن تقسیم کردیے گئے، منعقدہ تقریب میں ڈاکٹر محمد امجد، محمد طارق حسن اور مصطفی ملک نے نوٹیفکیش تقسیم کیے۔ مرکزی ترجمان مصطفی ملک کے مطابق دوسرے مرحلے میں مزید تقرریاں ہوں گی،پاکستان مسلم لیگ ق مثبت سیاست کے فروغ کے لیے پرعزم ہے،چوہدری شجاعت حسین کے نظریے کے مطابق سیاست کا وقار بحال کریں گے، نئے عہدے دار پارٹی کو فعال بنانے کے لیے بھرپور کردار ادا کریں گے ۔
