بھارت کی آبی دہشتگردی، پاکستانی دریائوں میں پانی کا بہاو صرف 10فیصد رہ گیا

اسلام آباد (سب نیوز)بھارت کی آبی دہشتگردی کے باعث پاکستانی دریاوں میں پانی کا بہاو صرف 10فیصد رہ گیا۔
انڈس واٹر کمشنر مہر علی شاہ نے نجی ٹی وی سے گفتگو میں کہا کہ دریائے چناب اور جہلم میں پانی کے بہا ومیں 90فیصد کمی ہوئی، دریائوں میں پانی کا بہا وصرف 10فیصد رہ گیا۔مہر علی شاہ نے کہا کہ اقوام متحدہ رپورٹ پاکستان کے موقف کی جیت ہے ، یو این نے عالمی قوانین کی خلاف ورزی بے نقاب کر دی ،سندھ طاس معاہدہ اب بھی فعال ہے، اس کے کسی پیٹرن میں بھی تبدیلی نہیں کی جاسکتی ۔
واضح رہے کہ اقوام متحدہ نے سندھ طاس معاہدہ معطل کرنے کی بھارتی کارروائی غیرقانونی قرار دیدی، سندھ طاس معاہدے کے معاملے پر اقوام متحدہ کے خصوصی ماہرین نے پاکستان کے موقف اور بیانئے کی بھرپور تصدیق کر دی ۔ معاہدہ معطل کرنے کے بھارتی اعلان پر گہری تشویش کا اظہار کیا اور کہا کہ پانی کے بہاو میں رکاوٹ ڈالنا یا اس کی دھمکی دینا پاکستان میں کروڑوں افراد کے بنیادی حقوق کو متاثر کرتا ہے ،پانی، خوراک، روزگار، صحت، ماحول اور ترقی کے حقوق اس فیصلے سے براہ راست زد میں آتے ہیں۔ سرحد پار حقِ آب میں مداخلت سے اجتناب لازم ہے۔
اقوام متحدہ کے ماہرین نے دوٹوک الفاظ میں کہا پانی کو سیاسی یا معاشی دبا وکا آلہ نہیں بنایا جا سکتا ۔ کوئی فریق یکطرفہ طور پر سندھ طاس معاہدے کو معطل نہیں کر سکتا ، طے شدہ طریقہ کار کو نظرانداز کر کے معاہدے کی یک طرفہ معطلی غیرقانونی ہے، مبینہ سرحدپار دہشت گردی کے الزامات کو آبی معاہدے کی خلاف ورزی بنا کر پیش کرنا غیرمتعلق ہے ۔ بھارت نے قابلِ اعتبار اور مربوط شواہد پیش نہیں کئے ، بھارت سندھ طاس معاہدے پر نیک نیتی سے عمل کرے اور پاکستان کے حقوق کی خلاف ورزی سے باز رہے۔