اسلام آباد(آئی پی ایس )وزیرمملکت داخلہ طلال چودھری نے کہا ہے کہ پی ٹی آئی کے سوشل میڈیا اکانٹس بیرون ممالک سے چل رہے، باز نہ آئے تو سخت ایکشن ہوگا۔وفاقی دارالحکومت میں پریس کانفرنس کرتے ہوئے طلال چودھری کا کہنا تھا کہ دہشتگرد تنظیمیں سوشل میڈیا کا استعمال کر رہی ہیں، حکومت آزادی اظہار رائے پر یقین رکھتی ہے، کچھ عناصر ملکی سلامتی کے درپے ہیں۔انہوں نے کہا کہ سوشل میڈیا پراداروں کے خلاف مذموم مہم چلائی جا رہی ہے، ملکی خودمختاری پرکوئی سمجھوتہ نہیں کیا جائے گا،]
پی ٹی آئی سوشل میڈیا کو خاص بیانیے کیلئے استعمال کرتی ہے۔وزیر مملکت داخلہ کا کہنا تھا کہ ایک ایک ٹویٹ کے پیسے وصول کرکے ٹرینڈ بنائے جاتے ہیں، آزادی اظہاررائے کی بھی کچھ حدود ہیں، چند کمپنیوں کو ٹرینڈ اور ہیش ٹیگز کی بولیاں لگا کربیچے جاتے ہیں۔طلال چودھری نے کہا کہ پی ٹی آئی کیسوشل میڈیا اکانٹس بیرون ملک سے چلائے جارہے ہیں، پی ٹی آئی اکانٹس ٹرینڈ بنانے کیلئے استعمال کیے جاتے ہیں،
زیادہ اکانٹس نارتھ امریکا،یورپ،جنوبی ایشیا سے آپریٹ ہورہیہیں۔ان کا کہنا تھا کہ یہی اکانٹس ٹی ٹی پی، بی ایل اے اور اسرائیل کیحق میں ٹرینڈز بناتے ہیں، ہمارے پاس بہت ساری معلومات آچکی ہے، ہم نے تمام شواہدجمع کر لیے ہیں، بیرون ملک سے فنڈنگ ٹرانسفر کی جاتی ہے۔وزیر مملکت داخلہ نے کہا کہ باہرکی کمپنیوں کے جعلی اکانٹس زیادہ ہیں، اِن کو خبردار کرتے ہیں بازنہ آئے تو سخت ایکشن ہوگا۔
