پرتھ(آئی پی ایس )آسٹریلیا اور انگلینڈ کے درمیان 5 ٹیسٹ میچوں پر مشتمل ایشز کا پہلا میچ صرف دو روز میں ختم ہوگیا۔پرتھ میں کھیلے گئے پہلے ٹیسٹ میں آسٹریلیا نے انگلینڈ کی جانب سے دیا گیا 205 رنز کا ہدف صرف دو وکٹوں کے نقصان پر پورا کر لیا۔آسٹریلیا کی جانب سے ٹریوس ہیڈ نے دھواں دھار بیٹنگ کرتے ہوئے صرف 83 گیندوں پر 123 رنز اسکور کیے اور اپنی ٹیم کی جیت میں اہم کردار ادا کیا، ٹریوس ہیڈ نے 69 گیندوں پر سنچری اسکور کی۔
پرتھ ٹیسٹ 1888 کے بعد اوورز کے اعتبار سے کھیلا گیا سب سے مختصر ٹیسٹ تھا۔انگلینڈ کی ٹیم دوسری اننگز میں آسٹریلین پیسرز کے سامنے بے بس دکھائی دیے اور پوری ٹیم 164 رنز بنا کر آٹ ہوئی، پہلی اننگز میں مہمان ٹیم نے 174 رنز اسکور کیے تھے جس کے جواب میں آسٹریلیا کی ٹیم 132 رنز پر ڈھیر ہو گئی۔آسٹریلیا کی جانب سے مچل اسٹارک نے پہلی اننگز میں 7 جبکہ دوسری اننگز میں 3 کھلاڑیوں کو آٹ کیا، اس طرح مچل اسٹارک ایشز کے کسی بھی ایک ٹیسٹ میں پہلی بار 10 وکٹیں لینے میں کامیاب رہے۔
