اسلام آباد (سب نیوز)پاکستان تحریک انصاف نے اسلام آباد میں جلسے کی اجازت کے لیے ضلعی انتظامیہ کو خط لکھ دیا ،پی ٹی آئی نے 5 اگست کو ایف9پارک میں کارکنوں کا کنونشن منعقد کرنے کی اجازت مانگ لی۔
جنرل سیکریٹری پی ٹی آئی ضلع اسلام آباد ملک عامر کے مطابق کنونشن کا نوٹیفیکیشن جاری ہو جکاہے،جلسہ شام 4 بجے سے رات 10 بجے تک جاری رہے گا، اجتماع پرامن ہوگا، تمام سیکیورٹی ایس او پیز پر سختی سے عمل کیا جائے گا۔ اسلام آباد کے تمام پی ٹی آئی کارکنوں کو متحرک کرنے کا منصوبہ۔
قیادت کی جانب سے ضلعی انتظامیہ کو یقین دہانی کروائی گئی کہ جلسے میں انتظامیہ سے مکمل تعاون ، عوامی تحفظ اور قوانین کا خیال رکھا جائے گا، اجازت نامہ جلد جاری کیا جائے، جلسے کے پرامن انعقاد کے لیے سیکیورٹی اہلکار تعینات کیے جائیں۔
