اسلام آباد (سب نیوز)صدر مملکت کے فیصلے کے بعد وزارت قانون نے ججز سینیارٹی کا نوٹیفکیشن جاری کردیا۔صدر زرداری کے فیصلے کے مطابق اسلام آباد ہائیکورٹ میں جسٹس محسن اختر کیانی دوسرے اور جسٹس میاں گل حسن اورنگزیب تیسرے سینئر جج ہوں گے۔نوٹیفکیشن کے مطابق جسٹس طارق محمود جہانگیری چوتھے، جسٹس بابر ستار پانچویں، جسٹس سردار اعجاز اسحاق چھٹے، جسٹس ارباب طاہر ساتویں نمبر ہیں، اس کے علاوہ سینیارٹی لسٹ میں جسٹس ثمن رفعت کا 8واں، جسٹس خادم سومرو کو 9واں نمبر ہوگا۔
نوٹیفکیشن کے مطابق اسلام آباد ہائیکورٹ میں جسٹس اعظم خان سینیارٹی میں 10ویں، جسٹس محمد آصف 11 ویں اور جسٹس انعام منہاس 12ویں نمبر پر ہوں گے۔نوٹیفکیشن کے مطابق صدر پاکستان نے طے کیا کہ تینوں ججز کا تبادلہ مستقبل کیا گیا۔دوسری جانب اسلام آباد ہائیکورٹ کے مستقل چیف جسٹس کی تعیناتی کیلئے اجلاس بھی طلب کرلیا گیا، جوڈیشل کمیشن یکم جولائی کو اجلاس میں 3 سینئر ججز کے ناموں پر غور کرے گا، ججز میں جسٹس سرفراز ڈوگر، جسٹس محسن اختر کیانی اور جسٹس میاں گل حسن شامل ہیں۔
سپریم کورٹ کے 5 رکنی بینچ نے اسلام آباد ہائیکورٹ میں ججز کی ٹرانسفر کو درست قرار دیتے ہوئے سینیارٹی کا معاملہ صدر مملکت کو بھجوا دیا تھا۔سپریم کورٹ کے فیصلے کو اسلام آباد ہائیکورٹ کے 5 ججز نے چیلنج کردیا تھا۔ منیر اے ملک نے ججز کی جانب سے سپریم کورٹ میں انٹرا کورٹ اپیل جمع کرائی، جس میں موقف اختیار کیا گیا کہ 19 نیس جون کا فیصلہ اپیل کے التوا تک معطل کیا جائے، ججز نے سپریم کورٹ کے فیصلے کو کالعدم قرار دینے کی استدعا بھی کی ہے۔
