اسلام آباد (سب نیوز )ویسٹ انڈیز کرکٹ ٹیم کے کپتان روسٹن چیز نے غلط فیصلوں پر امپائرز کے احتساب کا مطالبہ کردیا۔روسٹن چیز نے آسٹریلیا کے خلاف امپائرز کے کئی فیصلوں پر بھی سوالات اٹھا دیے ہیں۔ویسٹ انڈین کپتان روسٹن چیز کے مطابق آسٹریلیا کے خلاف میچ میں کئی فیصلوں پر سوالیہ نشان ہیں۔
روسٹن چیز کا کہنا ہیکہ امپائر کے کئی فیصلے ایسے تھے جو ہمارے حق میں نہیں گئے، یہ بات واضح ہیکہ اس طرح کے فیصلوں سیکوئی بھی خوش نہیں ہوگا، آپ میدان میں جیت کے لیے جاتے ہیں مگر ایسے لگتا ہیکہ سب آپ کے خلاف ہیں۔
ویسٹ انڈین کپتان کا کہنا تھا کہ یہ مایوس کن ہیکہ بطورکھلاڑی جب ہم غلطی یا حد سے تجاوز کرتے ہیں تو ہمیں سخت سزا دی جاتی ہے، امپائروں کے ساتھ غلط یا مشکوک فیصلوں پر ایسا کچھ نہیں ہوتا، غلط فیصلوں پر بھی سزا کا تعین ہونا چاہیے۔روسٹن چیز کا مزید کہنا تھا کہ امپائر کے ایک غلط فیصلے سے کسی کھلاڑی کا کریئر بنتا یا خراب ہوجاتا ہے۔ خیال رہے کہ آسٹریلیا کیخلاف پہلے ٹیسٹ میچ میں ویسٹ انڈیز کو 159 رنز سے شکست ہوئی تھی۔
