قطر ہمارا بھائی،یہ حملہ قطر پر نہیں امریکی فوجی اڈوں پر کیا گیا ، ایرانی سپریم کونسل

تہران (سب نیوز)ایرانی فوجی ترجمان نے کہا ہے کہ ایران پر کسی بھی حملے کا جواب دیے بغیر نہیں رہیں گے، ایران پر کیے گئے ہر حملے کابھرپور جواب دیا جائے گا۔
ایرانی فوج نے قطر کو پیغام دیا کہ ایران کے امریکی فوجی اڈوں پر حملوں سے ہمارے دوست اور برادرانہ ملک قطر کو کوئی خطرہ نہیں ہے
ایران کا کہنا ہے کہ اس نے قطر کے دارالحکومت دوحہ میں قائم امریکی ایئربیس العدید کو نشانہ بنایا۔ایران کی سپریم کونسل نے واضح کیا ہے کہ قطر ہمارا بھائی ہے اور یہ حملہ اس پر نہیں بلکہ امریکی افواج کو نشانہ بنانے کیلئے العدیہ اڈے پر کیے گئے ہیں۔
قبل ازیں قطر نے ایرانی حملوں کی شدید الفاظ میں مذمت کرتے ہوئے کہا ہے کہ اب ہمیں ایران کو بھرپور جواب دینے کا حق حاصل ہے۔