بیجنگ : ایران کی جوہری تنصیبات پر امریکی حملے کے حوالے سے چین کی وزارت خارجہ کے ترجمان نے کہا کہ چین ایران اور بین الاقوامی جوہری توانائی ایجنسی کی نگرانی میں ایران کی جوہری تنصیبات پر امریکی حملے کی شدید مذمت کرتا ہے۔اتوار کے روز تر جمان نے کہا کہ امریکہ کا یہ اقدام اقوام متحدہ کے چارٹر اور بین الاقوامی قانون کی سنگین خلاف ورزی ہے جس سے مشرق وسطیٰ میں کشیدگی میں اضافہ ہوا ہے۔
چین تنازع کے فریقین خاص طور پر اسرائیل سے اپیل کرتا ہے کہ وہ جلد از جلد جنگ بندی کریں، شہریوں کے تحفظ کو یقینی بنائیں اور بات چیت اور مذاکرات کا آغاز کریں۔ چین مشرق وسطیٰ میں امن و استحکام کی بحالی کے لیے بین الاقوامی برادری کے ساتھ مل کر کام کرنے کے لیے تیار ہے۔
