تہران (سب نیوز)ایرانی صدرمسعود پزشکیان نے مذاکراتی عمل پر ردعمل دیتے ہوئے کہا عالمی برادری کو صیہونی دہشت گردی کے مکمل خاتمے کی ضمانت دینی ہوگی۔ایرانی صدرمسعود پزشکیان نے کہا ایران ہمیشہ امن اورسکون کا خواہاں رہا ہے،اسرائیلی جارحیت کا غیر مشروط خاتمہ مسلط کردہ جنگ کو ختم کرنیکا واحد راستہ ہے۔
دوسری جانب ایرانی وزیرخارجہ عباس عراقچی نے جنیوا میں میڈیا سے گفتگو کرتے ہوئے کہا یورپی طاقتوں کے ساتھ مذاکرات صرف ایٹمی پروگرام پر ہورہے ہیں،میزائل پروگرام پرکوئی بات چیت نہیں ہوگی،امریکا ایران کے خلاف جارحیت میں فریق ہے،جب تک اسرائیل حملے بند نہیں کرتا واشنگٹن کے ساتھ مذاکرات نہیں ہونگے۔مزید کہااسرائیل کیخلاف ایرانی جارحیت دیکھ کرکئی ممالک اس جنگ سے دور رہیں گے،عباس عراقچی برطانیہ فرانس اورجرمنی سے جنیوا میں مذاکرات کر رہے ہیں،اس سے پہلے ایرانی صدر واضح کرچکے ہیں کہ جنگ روکنے کیلئے ایران کو صیہونی دہشت گردی کے مکمل خاتمے کی ضمانت دینی ہوگی۔
