راولپنڈی(سب نیوز)سیکرٹری ہاوسنگ اینڈ پبلک ہیلتھ انجینئرنگ ڈیپارٹمنٹ نور الامین مینگل نے پی ایچ اے راولپنڈی آفس کا دورہ کیا،سیکرٹری ہاوسنگ اینڈ پبلک ہیلتھ انجینئرنگ ڈیپارٹمنٹ نے ڈائریکٹر جنرل پی ایچ اے راولپنڈی احمد حسن رانجھا سے خصوصی ملاقات کی،ملاقات کے دوران راولپنڈی شہر کی بیوٹیفیکیشن کے بارے میں تبادلہ خیال کیا گیا،ڈی جی پی ایچ اے احمد حسن رانجھا نے پی ایچ اے راولپنڈی کی جانب سے شہر کی خوبصورتی میں اضافے اور عوام کو سرسبز ماحول کی فراہمی کے حوالے سے کئے جانے والے اقدامات اور محکمے کی کامیابیوں کا ایک جامع جائزہ پیش کیا
پی ایچ اے راولپنڈی کے عوام کی سہولت،تفریح، سرسبز ماحول کو برقرار رکھنے اور شجرکاری بارے موجودہ اور مستقبل کے منصوبوں پر تفصیل سے بات چیت کی گئی،شہر کی مرکزی شاہراہ مری روڈ کی بیوٹیفیکیشن کے متعلق بھی تبادلہ خیال کیا گیا،اس کے علاوہ سیکرٹری ہاسنگ اینڈ پبلک ہیلتھ انجینئرنگ ڈیپارٹمنٹ نور الامین مینگل نے آر ڈی اے بلڈنگ میں پودا لگا کر شجرکاری مہم مہم میں حصہ بھی لیا،سیکرٹری ہاسنگ اینڈ پبلک ہیلتھ انجینئرنگ ڈیپارٹمنٹ جناب نور الامین مینگل نے مری روڈ سمیت پی ایچ اے کی دیگر بیوٹیفیکیشن سائٹس کا دورہ بھی کیا،نور الامین مینگل کی جانب سے پی ایچ اے راولپنڈی کی کارکردگی اور تمام بیوٹفیکیشن اور ہارٹیکلچر پروجیکٹس کی تعریف اور ڈی جی پی ایچ اے راولپنڈی احمد حسن رانجھا کے سرسبز اور خوبصورت راولپنڈی کے وژن کو خوب سراہا گیا
اس موقع پر سیکرٹری ہاسنگ اینڈ پبلک ہیلتھ انجینئرنگ ڈیپارٹمنٹ نور الامین مینگل کا کہنا تھا کہ عوام کی سہولت کے لئے تمام محکموں کو ایک ساتھ مل کر کام کرنا چاہئے،پی ایچ اے راولپنڈی میں عوام کی تفریح، مختلف مقامات پر بیٹھنے کے لئے سایہ دار بینچز کا بندوبست اور خوبصورتی کو مزید بہتر بنانے کے لئے مزید بہتر اقدامات اٹھائے تاکہ پنجاب حکومت کے عوامی خدمت کے وژن کو عملی جامہ پہنایا جا سکے،انکا مزید کہنا تھا کہ “رین واٹر ہارویسٹنگ” کے عمل کو مزید موثر بنایا جائے،اس طرح سے بارش کے پانی کو بہترین استعمال میں لایا جا سکتا ہے،سیکرٹری ہاسنگ اینڈ پبلک ہیلتھ انجینئرنگ ڈیپارٹمنٹ نور الامین مینگل کی جانب سے پی ایچ اے راولپنڈی کے تمام عوامی سہولت اور شہر میں بیوٹیفیکیشن کے منصوبوں کی بھرپور تعریف کی گئی،ڈی جی پی ایچ اے راولپنڈی احمد حسن رانجھا نے کہا کہ شہر کی عوام کو بہترین تفریحی سہولیات کی فراہمی اور سرسبز ماحول کو برقرار رکھنا پی ایچ اے راولپنڈی کی اولین ترجیح ہے،اس حوالے سے تمام ضروری اقدامات کئے جا رہے ہیں،مستقبل میں بھی پی ایچ اے راولپنڈی عوام کے لئے شہر کی خوبصورتی بارے شاندار منصوبے لانے کا ارادہ رکھتا ہے۔
