اسلام آباد( آئی پی ایس) عیدالاضحیٰ کے دوسرے روز بھی وفاقی دارالحکومت میں صفائی ستھرائی کا عمل پوری تندہی سے جاری ہے۔ وزیر داخلہ محسن رضا نقوی اور چیئرمین سی ڈی اے و چیف کمشنر اسلام آباد محمد علی رندھاوا کی خصوصی ہدایات پر سی ڈی اے سولڈ ویسٹ مینجمنٹ ڈائریکٹوریٹ کی ٹیمیں متحرک ہیں۔
شہر کے مختلف علاقوں میں صفائی کے ساتھ ساتھ جراثیم کش اسپرے اور عطر گلاب کا چھڑکاؤ بھی کیا جا رہا ہے تاکہ شہریوں کو خوشگوار ماحول میسر آ سکے۔
شہریوں نے سی ڈی اے کی جانب سے عید کے ایام میں کیے گئے مثالی صفائی انتظامات پر خوشی اور اطمینان کا اظہار کرتے ہوئے ادارے کی کاوشوں کو سراہا اور ٹیم کو خراجِ تحسین پیش کیا۔
سی ڈی اے کا عزم ہے کہ عید کی خوشیاں، صاف اور خوبصورت اسلام آباد کے ساتھ منائی جائیں۔
