کیلیفورنیا (سب نیوز)بانی تحریک انقلاب پاکستان محمد عارف نے کہا ہے کہ مودی سرکار عید الاضحی کے موقع پر دوبارہ جارحیت کر سکتی ہے، پاکستان حکومت اور اداروں کو چوکس رہنا ہو گا ۔
سب نیوز سے خصوصی گفتگو کرتے ہوئے بانی تحریک انقلاب پاکستان محمد عارف نے کہا کہ مودی سرکار معرکہ حق میں بدترین شکست کے بعد بوکھلاہٹ کا شکار ہے ، ہندوستان کے اندر بھارتی وزیر اعظم ، بی جے پی سرکار اور بھارتی فوج کے خلاف اشتعال میں مسلسل اضافہ ہو رہا ہے اور اپوزیشن اور عوامی حلقوں کی طرف سے شکست سے متعلق سوالات کئے جا رہے ہیں، مودی سرکار اور فوج کے خلاف بھارت میں بڑے پیمانے پر تحریکیں شروع ہو سکتی ہیں جس کے نتیجے میں بھارت بوکھلاہٹ کا شکار ہو کر کوئی بھی غیر ذمہ دارانہ اقدام کر سکتا ہے ۔
انہوں نے کہا کہ عید الاضحی کے دن اہم ہیں ، ان دنوں میں مودی سرکار خطے کے امن کو دائو پر لگاتے ہوئے کوئی بھی جارحانہ اقدام کر سکتا ہے ، اس حوالے سے حکومت پاکستان اور اداروں کو اپنی بھرپور تیاری کے ساتھ تیار رہنا ہو گا ۔
