اسلام آباد (سب نیوز)چیئرمین سی ڈی اے، چیف کمشنر اسلام آباد اور ڈی جی سول ڈیفنس محمد علی رندھاوا نے متعلقہ افسران کے ہمراہ اسلام آباد ماڈل جیل کا دورہ کیا اور تعمیراتی کاموں میں ہونے والی پیش رفت کا جائزہ لیا
اس موقع پر متعلقہ سنئیر افسران نے چیئرمین سی ڈی اے کو اسلام آباد ماڈل جیل کے تعمیراتی کاموں میں ہونے والی پیش رفت کے حوالے سے بریفننگ دی اور بتایا کہ اسلام آباد ماڈل جیل کے تعمیراتی کاموں کو مرحلہ وار مکمل کیا جارہا ہے، پہلے مرحلے کے تحت اسلام آباد ماڈل جیل میں آر سی سی کمپاونڈ اور بانڈری والز کا 98 فیصد جبکہ بیرکس کا 72 فیصد تعمیراتی کام مکمل کرلیا گیا ہے، اسی طرح ماڈل جیل کے ایڈمن بلاک کا 96 فیصد، روڈ انفراسٹرکچر اور سیوریج کا 75 فیصد کام بھی مکمل کرلیا گیا ہے، اسلام آباد ماڈل جیل کے اسپتال، مرکزی کچن اور بیرکس کچن کا کام 70 فیصد مکمل کرلیا گیا ہے، منصوبے میں شامل 24 سنتری پوسٹوں کا تعمیراتی کام مکمل کر لیا گیا ہے جبکہ اضافی 10 سنتری پوسٹوں کا کام ایک ماہ میں مکمل کیا جائے گا،سینٹرل واچ ٹاور کا 72 فیصد تعمیراتی کام مکمل کرلیا گیا ہے۔
اس موقع پر چیئرمین سی ڈی اے نے ہدایت کی کہ اسلام آباد ماڈل جیل میں پانی اور بجلی کی فراہمی کو بھی جلد یقینی بنایا جائے، اسلام آباد ماڈل جیل کیلئے سیوریج ٹریٹمنٹ پلانٹ کا ڈیزائن اور تخمینہ جلد مکمل کیا جائے، ایڈمن، ہسپتال اور وارڈن بیرکس کیلئے فرنیچر کی تیاری کے عمل کا بھی جلد مکمل کیا جائے، اسلام آباد ماڈل جیل کے باقی ماندہ تعمیراتی کاموں کو جلد از جلد مکمل کیا جائے، تعمیراتی کاموں کے اعلی معیار اور تعمیراتی کاموں کی بروقت تکمیل اور کوالٹی کے بارے میں کوتاہی نہ برتی جائے۔
