اسلام آباد (سب نیوز)محکمہ ایکسائز اسلام آباد نے مئی کی کارکردگی رپورٹ جاری کر دی۔تفصیلات کے مطابق ڈی جی ایکسائز کی زیر صدارت ماہانہ کارکردگی اجلاس منعقد ہوا جس میں ڈائریکٹر ایکسائز سمیت دیگر افسران شریک ہوئے ۔
اجلاس کو بریفنگ دیتے ہوئے بتایا گیا کہ گزشتہ ایک ماہ کے دوران مجموعی طور پر 74گاڑیوں کو غیر نمونہ نمبر پلیٹس پر جرمانہ عائد کیا گیا، غیر نمونہ نمبر پلیٹس کے استعمال پر 9 لاکھ 20 ہزار جرمانہ عائد کئے گئے ،کالے شیشوں کے استعمال پر 143گاڑیوں کے خلاف کاروائیاں کی گئیں، کالے شیشوں کا استعمال کرنے والے ڈرائیورز کو 15 لاکھ 75 ہزار جرمانہ کیا گیا۔
ڈی جی ایکسائز عرفان نواز میمن نے سرپرائز ناکہ جات کے انعقاد پر زور دیتے ہوئے کہا کہ غیر نمونہ نمبر پلیٹس کے خلاف سخت کریک ڈاون کیا جائے، کالے شیشوں کے استعمال پر جرمانہ کے ساتھ گاڑی بھی تھانے منتقل کریں۔
