بھارت سے بہت مِس کیلکولیشن ہوئی،اسکی صلاحیت ہی نہیں تھی، ناصر جنجوعہ

اسلام آباد (سب نیوز)سابق مشیر قومی سلامتی لیفٹیننٹ جنرل (رناصر جنجوعہ نے کہا ہے کہ بھارت سے بہت مِس کیلکولیشن ہوئی ہے، بھارت کی صلاحیت ہی نہیں تھی،بھارت اپنی ذلت کو کامیابی میں تبدیل کر کے اپنی عوام کو مطمئن کرنے کی کوشش کریگا،سیز فائر بھارت کے مفاد میں ہے، ایک دوسرے کے ساتھ بیٹھنا پڑے گا،جب یہ ہم سے ملاقات کریں گے تو ایسے ظاہر کریں گے جیسے سیز فائر کی درخواست ہماری تھی۔

نجی ٹی وی سے گفتگو کرتے ہوئے سابق مشیر برائے قومی سلامتی لیفٹیننٹ جنرل (ر)ناصر جنجوعہ کاکہنا ہے کہ بھارت پاکستان پر حملہ کرکے سنگین غلطی کر چکا ہے اور اب اپنی عوام کو گمراہ کرنے کے لیے اپنی ذلت کو کامیابی کا رنگ دینے کی کوشش کرے گا، بھارت کی حملہ کرنے کی صلاحیت ہی نہیں تھی، یہ سارا معاملہ اس کی مس کیلکولیشن کا نتیجہ ہے۔سابق مشیر برائے قومی سلامتی نے کہا کہ سیز فائر دراصل بھارت کے مفاد میں ہے، وہ اب اس جنگ سے بچ نکلنے کا راستہ تلاش کر رہا ہے، جب بھارت ہم سے ملاقات کرے گا تو ایسے ظاہر کرے گا جیسے سیز فائر کی درخواست پاکستان نے کی ہو۔ان کا کہنا تھا کہ بھارت کو اب مجبوری کے تحت بیٹھنا پڑے گا، لیکن وہ اپنی پوزیشن کو بچانے کے لیے جھوٹ پر مبنی بیانیہ اختیار کرے گا تاکہ عوام کو مطمئن رکھا جا سکے۔