لاہور (سب نیوز)وزیر اعظم شہباز شریف نے پاکستان مسلم لیگ ن کے صدر میاں محمد نواز شریف سے اہم ملاقات کی جس کے دوران اہم امور پر گفتگو کی گئی۔رپورٹ کے مطابق پارٹی ذرائع نے کہا کہ وزیراعظم شہباز شریف جاتی امرا رائیونڈ پہنچے جہاں انہوں نے اپنے بڑے بھائی اور سابق وزیراعظم نواز شریف سے ملاقات کی۔
پارٹی ذرائع کے مطابق ملاقات میں دونوں رہنماوں نے پاک بھارت سرحدی تناو سمیت ملکی مجموعی سیاسی و معاشی صورتحال پر گفتگو کی۔ملاقات میں نائب وزیراعظم اسحاق ڈار اور وزیراعلی پنجاب مریم نواز بھی شریک تھے۔ ملاقات میں بھارتی آبی جارحیت، سرحدوں پر کشیدہ صورتحال، ملکی سلامتی سمیت اہم امور سے آگاہ کیا۔ ملاقات میں پاکستان کی جانب سے کیے گئے فیصلوں پر بھی تفصیلی بات چیت کی گئی۔
