لاہور(آئی پی ایس ) ایس آئی ایف سی کی سہولت کاری کے باعث عالمی مارکیٹ کا اعتماد بڑھنے سے پاکستان کی آئی ٹی برآمدات میں 6 فیصد اضافہ ہوگیا، جس سے 8 ماہ میں 5.4 ارب ڈالر کا زرمبادلہ حاصل ہوا۔پاکستان کی آئی ٹی، کمپیوٹراور ٹیلی کام میں خدمات کی برآمدات 25 فیصد بڑھ کر 2.4 ارب ڈالر تک پہنچ گئیں۔صرف فروری میں 709 ملین ڈالر کی برآمدات ریکارڈ کی گئیں، دیگر بزنس سروسز کی برآمدات 1.4 فیصد اضافے سے 1.07 ارب ڈالر ہو گئیں۔
آئی ٹی خدمات کی برآمدات میں اضافے سے زرمبادلہ کے ذخائر میں بہتری اور کرنٹ اکانٹ خسارے میں کمی کا امکان ہے۔حکومت نے اگلے پانچ سال کیلئے آئی ٹی کا برآمداتی ہدف 15 ارب ڈالر رکھا ہے، برآمدات میں حالیہ اضافے سے ہدف کے حصول کی راہ ہموار ہوگئی ہے۔عالمی مارکیٹ میں پاکستانی آئی ٹی خدمات کی مانگ بڑھ گئی، جس کے وجہ سے فری لانسرز اور سٹارٹ اپس کیلئے نئے مواقع پیدا ہوئے ہیں۔
