اسلام آباد (سب نیوز )پاکستان تحریک انصاف کے سیکرٹری جنرل سلمان اکرم راجا نے خیبر پختونخوا حکومت کے ترجمان بیرسٹر سیف کے عمران خان اور ان کی اہلیہ بشری بی بی کو سحری نہ دینے کے بیان کو غلط اور غیر ذمہ دارانہ قرار دے دیا۔سلمان اکرم راجا نے پنجاب حکومت کی وزیر اطلاعات عظمی بخاری کی تصدیق کردی، کہا کہ بیرسٹر سیف سے بیان کی وضاحت مانگی ہے۔پی ٹی آیی کے سیکرٹری جنرل سلمان اکرم راجا نے کہا ہے کہ بانی پی ٹی آیی کی صحت بالکل ٹھیک ہے، ان کی صحت کے بارے میں بے بنیاد افواہیں پھیلایی گییں۔
اڈیالہ جیل میں بانی پی ٹی آیی سے ملاقاتت کے بعد سلمان اکرم راجا نے کہا بانی پی ٹی آیی کو سحری نہ دینے اور عبادت میں خلل ڈالنے کی باتیں بھی درست نہیں ہیں ۔ایک سوال پر سلمان اکرم راجا نے کہا کہ انہوں نے شیخ وقاص اکرم سے کہا ہے کہ وہ پوچھیں کہ بیرسٹر سیف نے ایسا بیان کیوں دیا؟
خیال رہے کہ وزیراعلی خیبرپختونخوا کے مشیر برائے اطلاعات بیرسٹر سیف نے الزام عاید کیا تھا کہ بانی پی ٹی آیی اور بشری بی بی کو جیل میں سحر و افطار میں کھانے کو کچھ نہیں دیا جارہا، وہ سحری کے بغیر روزہ رکھنے پر مجبور ہیں۔اس حوالے سے ترجمان پنجاب حکومت عظمی بخاری کا کہنا تھا کہ بانی پی ٹی آیی کو ہفتے میں 3 دن گوشت، سبزیاں، دالیں اور چقندر کا جوس مل رہا ہے، بشری بی بی کو بھی کھانے کو جو دل چاہتا ہے وہ مہیا کیا جاتا ہے۔
