شارجہ واریئرز اچھی فارم میں ہے اور فاتح بننے کی پوری صلاحیت رکھتی ہے، ہیڈ کوچ جے پی ڈومنی

دبئی :شارجہ واریئرز نے ڈی پی ورلڈ آئی ایل ٹی 20 کے سیزن 3 میں پہلی بار پلے آف میں جگہ بنا کر تاریخ رقم کی۔ انہوں نے یہ کارنامہ اپنے آخری تین لیگ میچوں میں سے تین میں کامیابی حاصل کرنے کے بعد حاصل کیا وہ ایم آئی ایم ای کے خلاف ایلیمنیٹر میں مدمقابل آئے گی جو 6 فروری کو ابوظہبی میں ہوگا۔

اس کامیابی پر روشنی ڈالتے ہوئے ہیڈ کوچ جے پی ڈومنی نے ایک مضبوط ہم آہنگ ٹیم بنانے کی اہمیت پر زور دیا۔ انہوں نے کہا کہ جس چیز پر ہم نے شروع میں تبادلہ خیال کیا وہ یہ تھا کہ ہم اپنے طرز عمل میں بہت مستقل رہنا چاہتے تھے چاہے نتیجہ جو بھی ہو۔ ڈومنی نے اپنی ٹیم کی اچھی فارم اور کارکردگی کو ٹورنامنٹ ککے آخری لمحات سے جوڑتے ہوئے کہا کہ بڑے میچز اور ٹورنامنٹ جیتنے کے لئے آپ کو چند کھلاڑیوں کی ضرورت ہوتی ہے جو اپنی کارکردگی میں مستقل مزاجی کا مظاہرہ کریں اور آپ فطری طور پر اپنے بڑے کھلاڑیوں پر انحصار کریں گے جو گزشتہ دنوں میں اس سے گزرچکے ہیں۔

ہم نے خاص طور پر گزشتہ کچھ میچوں میں یہ دیکھا ہے۔ بڑے کھلاڑیوں نے واقعی قدم بڑھایا ہے اور کچھ غیرمعمولی کارکردگی کا مظاہرہ کیا ہے۔ دوسرے کھلاڑیوں کا اعتماد اس وقت بڑھتا ہے جب آپ کے بڑے کھلاڑی آگے بڑھ رہے ہوتے ہیں کیونکہ اس سے پلیئنگ الیون کا معیار بلند ہوتا ہے۔