باکو (سب نیوز) وفاقی وزیر مواصلات، نجکاری و سرمایہ کاری بورڈ عبدالعلیم خان کی اعلی سطحی وفد کے ہمراہ باکو آمد، آذربائیجان کے وزیر ڈیجیٹل ڈویلپمنٹ اینڈ ٹرانسپورٹ راشد نبی اوف سے وفاقی وزیر عبدالعلیم خان کی ملاقات و اجلاس، آذربائیجان کی حکومت کا پاکستان کے ترقیاتی منصوبوں میں سرمایہ کاری کے لئے اظہار دلچسپی ۔
وفاقی وزیر مواصلات کی آذربائیجان کے وزیر کو موٹرویز ایم 6 اور ایم 9 میں سرمایہ کاری کی پیشکش ،سکھر، حیدر آباد اور کراچی موٹرویز کی فیزیبلٹی کیلئے آذربائیجان سے فروری میں ہی وفد کا پاکستان آنے کا فیصلہ ، پاکستان اور آذربائیجان کا شاہراہوں کی تعمیر کے لئے بی ٹو بی اور جی ٹو جی دونوں آپشنز پر غور، وفاقی وزیر مواصلات عبدالعلیم خان کا پاکستان سے سینٹرل ایشیا کے لئے روڈ نیٹ ورک پر بھی تبادلہ خیال۔انہوں نے کہا کہ لاجسٹک کی بہتری کے لئے ذرائع آمدورفت کو بہتر اور تیز بنانا اشد ضروری ہے۔
آذربائیجان کے وزیر راشد نبی اوف نے وفاقی وزیر عبدالعلیم خان کو پاکستان کیلئے ہر ممکن تعاون کی یقین دہانی کراتے ہوئے کہا کہ پاکستان کے ساتھ آذربائیجان مواصلات کے شعبے میں نمایاں پیش رفت کا خواہاں ہے، پبلک پرائیویٹ پارٹنر شپ کے تحت بھی دونوں ممالک باہم سرمایہ کاری کر سکتے ہیں۔چئیرمین این ایچ اے نے اجلاس کو ایم 6 اور ایم 9 کے موٹرویز کی منصوبوں پر بریفنگ دی ، آذربائیجان حکام کی پاکستان سیریل، روڈ اور دیگر ذرائع مواصلات میں باہم شراکت داری پر گفتگو ،وفاقی وزیر عبدالعلیم خان کی باکو، آذربائیجان میں دیگر وزرا صاحبان سے بھی ملاقات متوقع ہے ،اجلاس میں کوآرڈینٹر ایس آئی ایف سی لیفٹیننٹ جنرل سرفراز احمد اور وفاقی سیکرٹری پٹرولیم مومن علی آغا بھی شریک تھے۔
