اسلام آباد(آئی پی ایس )کرونا سے متاثر ہونے والے سپریم کورٹ کے جسٹس قاضی فائز عیسی کی طبیعت ناساز ناہوگئی ،ڈاکٹرزکی ہدایت پر اہل خانہ نے ہسپتال منتقل کردیا۔ کرونا سے متاثر ہونے والے سپریم کورٹ کے جج جسٹس قاضی فائزعیسی کا ایک روز قبل سٹی اسکین کیا گیا، جس کی رپورٹ کو ڈاکٹرز نے تسلی بخش قرار نہیں دیا۔ڈاکٹرز کے مطابق جسٹس قاضی فائز کی عیسی کی طبیعت تاحال بہترنہ ہوسکی، جس کے بعد انہیں اب علاج کے لیے گھر سے ہسپتال منتقل کیا گیا۔ کرونا میں مبتلا ہونے کے بعد سے ان کا اور اہلیہ کا گھر پر ہی علاج جاری تھا، ڈاکٹرز اور پاک فوج کے سینئر ترین ڈاکٹر نے جسٹس قاضی فائز عیسی کا معائنہ کیا اور انہیں اسپتال منتقل کرنے کی سفارش کی تھی۔ ڈاکٹرز کی ہدایت پر اہل خانہ نے قاضی فائز عیسی کو قائد اعظم ہسپتال منتقل کردیا، جہاں ان کا علاج کیا جائے گا۔ ذرائع کے مطابق ان کی حالت کو ڈاکٹرز نے خراب ضرور قرار دیا مگر ان کی طبیعت خطرے سے باہر ہے۔
سپریم کورٹ کے جسٹس قاضی فائز عیسی کی طبیعت ناساز، ہسپتال منتقل
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
