سی ڈی اے ، ہاؤسنگ فاؤنڈیشن کے سرکاری آفیسران و ملازمین ایف آئی اے کی حراست میں ،وجوہات سب نیوز پر

اسلام آباد(سب نیوز)کرپشن اور بدعنوانی میں ملوث سی ڈی اے اور فیڈرل گورنمنٹ ایمپلائرز ہاوسنگ فاونڈیشن کے اہلکاروں سمیت 4 ملزمان کو گرفتار کر لیا گیا۔
ترجمان ایف آئی اے کے مطابق ایف آئی اے اینٹی کرپشن سرکل اسلام آباد کی بڑی کاروائیاں،کرپشن اور بدعنوانی میں ملوث سرکاری اہلکاروں سمیت 4 ملزمان کو گرفتار کر لیا گیا۔گرفتار ملزمان میں فخر عباس، رانا منیر، معراج آفریدی اور قیصر عباس شامل ہیں ۔
ملزمان کو ضمانت قبل از گرفتاری منسوخ ہونے پر گرفتار کیا گیا۔
اسپیشل جج سنٹرل اسلا آباد کی جانب سے ملزمان ک ضمانت منسوخ کی گئی۔
ملزم فخر عباس سی ڈی اے میں بطور پٹوری تعینات ہے۔
ترجمان ایف آئی اے کے مطابق ملزم نے موضع شاہ اللہ دتہ، سیکٹر ڈی-13 کی زمین سے متعلق جعلی رپورٹس تیار کی گئیں۔
ملزمان نے 4 کنال زمین کی جعلی ملکیت ظاہر کی،ملزم نے دیگر ملزمان کی ملی بھگت سے پاور آف اٹارنیز فراڈ سے رجسٹرڈ کرائیں،
ملزم نے شکایت کنندہ سے 70 لاکھ روپے کا فراڈ کیا گیا۔جبکہ ملزم رانا منیر، معراج آفریدی اور قیصر عباس نے جعل سازی کرتے ہوئے پلاٹ کی ملکیت تبدیل کر دی۔
ترجمان ایف آئی اے کے مطابق ملزمان نے پلاٹ کی ملکیت جعل سازی کرتے ہوئے غیر متعلقہ شخص کے نام ٹرانسفر کی۔ملزم رانا منیر فیڈرل گورنمنٹ ایمپلائرز ہاوسنگ فاونڈیشن میں بطور ڈپٹی ڈائریکٹر جبکہ ملزم معراج آفریدی بطور ایگزیکٹو انجینئر تعینات ہے۔ملزمان کے خلاف گزشتہ سال مقدمات درج ہوئے تھے۔ملزمان کو گرفتار کر کے تفتیش کا آغاز کر دیا گیا۔دیگر ملزمان کی گرفتاری کے لئے چھاپے مارے جا رہے ہیں۔