پاکستان اورافغانستان کاامن ایک دوسرے سے وابستہ ، دشمنوں کو امن عمل کو متاثر کرنیکی اجازت نہیں دیں گے، آرمی چیف

راولپنڈی ،آرمی چیف جنرل قمر جاوید باجوہ نے کہا ہے کہ پاکستان اورافغانستان کاامن ایک دوسرے سے وابستہ ہے دشمنوں کو امن عمل کو متاثر کرنیکی اجازت نہیں دیں گے۔
آئی ایس پی آر کے مطابق آرمی چیف سے افغان میڈیا وفد نے جی ایچ کیو میں ملاقات کی جس میں آرمی چیف نے گفتگو کرتے ہوئے کہا کہ میڈیاعوامی، سماجی اور ثقافتی رابطوں میں پل کا کردار ادا کر سکتا ہے میڈیا کی ذمہ داری ہے امن دشمنوں کی نشاندہی کرکے شکست دے۔
جنرل قمر باجوہ نے کہا کہ افغانستان میں امن پاکستان کی دلی خواہش ہے پاکستان اورافغانستان کاامن ایک دوسرے سے وابستہ ہے دشمنوں کو امن عمل کو متاثر کرنیکی اجازت نہیں دیں گے۔
ان کا کہنا تھا کہ موثربارڈر مینجمنٹ اور سیکیورٹی دونوں ملکوں کے مفاد میں ہے دونوں ممالک علاقائی رابطوں سے فائدہ اٹھاسکتے ہیں افغانستان میں پائیدارامن سے خطے میں ترقی ہوگی اور پاک افغان یوتھ فورم سے باہمی رابطوں کو فروغ ملے گا ۔پاک افغان نوجوان خطے کامستقبل ہیں۔
افغان صحافیوں نے ا رمی چیف سے ملاقات اور بات چیت پر شکریہ ادا کرتے ہوئے امن کے لئے پاکستان کی سنجیدہ کوششوں کی بھی تعریف کی۔ افغان صحافیوں نے بڑی تعدادمیں مہاجرین کا خیال رکھنے پربھی شکریہ اداکیا۔