پی ٹی آئی رہنماوں کی اکثریت فوری طورپرسول نافرمانی تحریک کی حامی نہیں، مزید مشاورت کا فیصلہ

اسلام آباد (آئی پی ایس )پاکستان تحریک انصاف کے رہنماوں کی اکثریت فوری طورپرسول نافرمانی تحریک کی حامی نہیں۔
ذرائع کے کا کہنا ہے کہ رہنماوں اور کورکمیٹی کی سول نافرمانی کی تحریک پر مشاورت ہوئی۔ذرائع کے مطابق پی ٹی آئی رہنماوں کی اکثریت فوری طورپرسول نافرمانی تحریک کی حامی نہیں اور دسمبر میں سول نافرمانی تحریک کے بجائے پہلے اس پرپارٹی لائحہ عمل طے کرے گی۔
ذرائع نے بتایاکہ ارکان کا موقف ہے بانی پی ٹی آئی کے سامنے تحریک کی کال چند دن کیلئے مخر کرنے کا کہا جائے، پارٹی قیادت 24 نومبر احتجاج کے نتائج کے بعد دوبارہ ریکور ہونا چاہتی ہے۔پارٹی ذرائع نے بتایاکہ بانی پی ٹی آئی سے ملاقات کے بعد کال پر پارٹی قیادت دوبارہ مشاورت کرے گی۔
خیال رہے کہ چند روز قبل بانی پی ٹی آئی کی ہمشیرہ علیمہ خان نے میڈیا سے گفتگو کرتے ہوئے کہا تھا کہ عمران خان نے ہدایت کی ہے کہ اگر اسٹیبلشمنٹ سے مذاکرات ناکام ہوتے ہیں تو پھر سول نافرمانی کی تحریک شروع کریں گے۔عمران خان نے اپنے مطالبات کیلئے 14دسمبر تک کا وقت دے رکھا ہے۔