اسلام آباد: چیف جسٹس یحییٰ آفریدی کے زیرصدارت جوڈیشل کمیشن کا آج 2 اجلاس منعقد کیے جائیں گے۔
جوڈیشل کمیشن کے پہلے اجلاس میں جسٹس شاہد بلال کی آئینی بینچ میں شمولیت پر غور کیا جائے گا۔ آئینی بینچ نے فوجی عدالتوں کے کیس میں جسٹس عائشہ ملک کی جگہ نئے جج کی شمولیت کے لیے کمیشن سے رجوع کیا تھا۔
جوڈیشل کمیشن کا دوسرا اجلاس پشاور اور سندھ ہائیکورٹس میں ججز کی تقرری سے متعلق ہے۔
واضح رہے کہ سپریم کورٹ کے سینیئر جج جسٹس منصور علی شاہ نے آج ہونے والا جوڈیشل کمیشن کا اجلاس مؤخر کرنے کے لیے گزشتہ روز 2 خطوط لکھے تھے۔
جسٹس منصور علی شاہ نے ایک خط چیف جسٹس اور دوسرا جوڈیشل کمیشن کو لکھا تھا، جسٹس منصور علی شاہ نے رولز بنائے بغیر ججز تعیناتی پر تحفظات کا اظہار کیا تھا۔
